Komunikado di prensa

14 di mei, 2020

(Kralendijk, Boneiru) — Konseho pa Mantenshon di Lei (“Raad voor de Rechtshandhaving”) ta determiná ku polis i Ministerio Públiko na Hulanda Karibense den diferente aspekto ainda no ta traha konforme e designashon ku prokuradó general di Ministerio Públiko di Kòrsou, Sint Maarten i di Boneiru, Sint Eustatius i Saba a emití na 2017 tokante e designashon violensia relashonal. Esaki ta enserá entre otro e falta di duna relato periódiko na prokuradó general. E meta di e designashon aki ta pa mehorá e manera di aserká violensia doméstiko di parti di Ministerio Públiko i polis.

Den di kuater kuartal di 2019 e Konseho pa Mantenshon di Lei a investigá e manera di aserká violensia doméstiko na Hulanda Karibense (Boneiru, Sint Eustatius i Saba). Ku esei e Konseho a wak na promé instante e aserkamentu hudisial.

Ta dependé di Ministerio Públiko i polis ora ta trata di aktua reprimí kontra di violensia doméstiko. Un problema ta, ku tin bia víktimanan di violensia doméstiko no ta hasi denunsia na polis di miedu pa e konsekuensianan. E Konseho ta haña ku den e kasonan ei polis mester konsultá semper ku Ministerio Públiko tokante di e próksimo pasonan deseá. Den kua mester ta bon kla ku violensia doméstiko no ta aseptá.

Na 2017 Hulanda Karibense a hasi un komienso prometedor na e manera di aserká violensia doméstiko kaminda Ministerio di Salubridat Públiko, Bienestar i Deporte (VWS) i e entidatnan públiko Boneiru, Sint Eustatius i Saba a firma un akuerdo di gobernashon. Esaki a resultá na tantu un ampliashon di konosementu i bista di kiko violensia doméstiko ta pa profeshonalnan, komo violensia doméstiko a bira un tópiko diskutibel ku komunidat.

No por mira e aserkamentu represivo lòs for di e aserkamentu preventivo. Pa prevenshon di violensia doméstiko, konsientisashon i informashon ta aspektonan importante. Partidonan hudisial ta hasi kontribushon útil na esaki. Segun e Konseho, kooperashon i interkambio di informashon entre e organisashonnan embolbí di tantu kadena hudisial komo kadena di kuido ta di sumo importansia i por ta mihó.

E Konseho ta enfatisá ku mester di esfuerso a largo plaso pa kombatimentu struktural di violensia doméstiko. Tur kos ku a kuminsá move den kuadro di e akuerdo di gobernashon, lo

mester kontinuá na final di e akuerdo ei na 2020.

E Konseho ta duna e minister di Hustisia i Seguridat (JenV) di Hulanda diferente rekomendashon. Esakinan ta referí entre otro na legislashon, deliberashon entre polis i Ministerio Públiko i interkambio di informashon ku e ketenpartners.

Minister di Hustisia i Seguridat resientemente a manda e rapòrt di Konseho pa Parlamentu Hulandes i a informá Parlamentu ku tur ministerio i organisashonnan embolbí ta embrasá e rekomendashonnan di Konseho. Según minister awor mester keda traha i implementá e rekomendashonnan sin tardansa.

E Konseho a entregá su rapòrt ku rekomendashon na minister djis promé ku e brote di e krisis di corona. E medidanan tumá den kuadro di e krisis manera seramentu di skol i ta mas tantu posibel paden ta forma èkstra rísiko pa violensia doméstiko. P’esei segun e Konseho awor ta di mas importansia ku promé ku e pueblo ta bon informá tokante di e rísikonan, konsientisashon i señalá violensia doméstiko meskos ku e posibilidatnan pa mèldu sospecho di esei.

E rapòrt di Konseho ta públiko i ta riba e website di e Konseho:

www.raadrechtshandhaving.com.

=======

FIN di e relato di prensa