Press release Sint Maarten

Mantenshon di legislashon di naturalesa i medio ambiente defisiente na Hulanda Karibense

 Komunikado di prensa

Na tur medio di komunikashon / print & broadcast

19 di mei 2020

(Kralendijk, Boneiru) – Segun e Konseho pa mantenshon di lei (“Raad voor de rechtshandhaving”), aplikashon di legislashon di naturalesa i medio ambiente mester ta mas mihó. For di investigashon di e Konseho a resultá ku na e islanan di Hulanda Karibense (Boneiru, Sint Eustatius i Saba) ta hasi tiki na supervishon i aplikashon.

Organisashonnan ta wak otro i ta traha tiki huntu i empleadonan di entidatnan públiko ku outorisashon pa investigá no ta hasi uso di nan posibilidatnan pa kontribuí na aplikashon. E Konseho ta menshoná e problemátika di kabritu komo ehèmpel. Na tur tres isla ta prohibí pa laga kabritu kana lòs pero niun di e islanan ta kumpli ku e prohibishon ei. E konsekuensianan pa vegetashon riba tera i pa e koralnan den laman ta desastroso.

Tambe ta falta plannan di maneho preskribí pa lei, un responsabilidat di tantu entidatnan públiko komo gobièrnu di reino.

Polis, Ministerio Públiko, organisashonnan di protekshon di naturalesa lokal i entidatnan públiko lo mester palabrá konhuntamente ken ta responsabel pa kiko. Segun e Konseho no tin duda ku mester di esfuerso adishonal. Den su rapòrt e Konseho ta menshoná algun paso nesesario pa hisa nivel di supervishon i aplikashon riba tereno di legislashon di naturalesa i medio ambiente, i den su rapòrt ta duna pa esaki algun rekomendashon konkreto na e organisashonnan embolbí.

Den e investigashon e enfoke tabata riba un di e motibunan mas importante pa menasa di naturalesa riba i rondó di e islanan: bestia di kria ku ta kana lòs. Tambe e Konseho a wak enfátikamente e aplikashon di prohibishon pa dùmp sushi. E bunitesa natural di e islanan ta forma un tarheta di bishita pa e turistanan di kua nos islanan ta pa un (gran) parti dependiente.

For di e investigashon a resultá entre otro ku ta trahando na plannan pa trata e problemátika di kabritu, pero ku no tin of kasi no tin un kontinuashon riba e plannan. Pa loke ta trata  kombatimentu di sushi di kaya e Konseho a konstatá diferensia grandi entre e tres islanan. Na Saba ta aktua inmediatamente na momentu ku tin dùmpmentu di sushi inlegal, i e isla ta duna un impreshon partikularmente limpi. Entidat públiko di Sint Eustatius kada bes ta logra mas mihó pa ataká e problema di dùmpmentu di sushi inlegal. Di otro banda Boneiru no a bira mas limpi den e último añanan i aplikashon di prohibishon di dùmpmentu di sushi apénas ta tuma lugá.

Pa e vershon kompletu di e rapòrt klek aki òf konsultá ku e wèpsait di e Konseho: www.raadrechtshandhaving.com

============

FIN di komunikado di prensa

5 comments on “Mantenshon di legislashon di naturalesa i medio ambiente defisiente na Hulanda Karibense

  1. 547520 595537hello i discovered your post and thought it was really informational likewise i suggest this internet site about repairing lap tops Click Here 902829

  2. 552405 72808Generally I do not read post on blogs, nonetheless I would like to say that this write-up really forced me to look at and do so! Your writing taste has been surprised me. Thank you, quite fantastic post. 87357

  3. 506716 228152Wholesale Inexpensive Handbags Will you be ok merely repost this on my site? Ive to allow credit where it can be due. Have got a terrific day! 824426

Geef een antwoord

Het e-mailadres wordt niet gepubliceerd.

Enter Captcha Here : *

Reload Image

RAAD VOOR DE RECHTSHANDHAVING